နင်မရှိချင်မှတော့ ဘာမှအရေးမကြီးပါဘူး#

နင်မရှိချင်မှတော့ ဘာမှအရေးမကြီးပါဘူး#

နင့်မျက်နှာကို ငေးကြည့်နေမိတယ်
(မမြင်ဖူးတဲ့ တစ်စိမ်းတစ်ယောက်လို)

(ဘယ်လောက်ဖတ်ဖတ်)
ငါ အလွတ်မရသေးတဲ့ စာအုပ်တစ်အုပ်ပါပဲ
အချိန်တွေ ဘယ်လောက်ကြာကြာ
ငါဖတ်ရမဲ့စာအုပ်တစ်အုပ်ဖြစ်နေတုန်းပါပဲ...

ဆုံးရှုံးရခြင်းဆိုတာ
မသိလိုက်မသိဖာသာနဲ့
နင့်ဆီကနေ ငါ့ကိုဖယ်ထုတ်သွားတဲ့အရာ!!

နင့်ကို ငါ့ဆီကနေဆုံးရှုံးရခြင်းမှာ
အလုပ်ကြောင့်ဖြစ်တယ်
နှစ်ဖက်မိသားစုတွေကြောင့်ဖြစ်တယ်
မာန်မာနတွေကြောင့်ဖြစ်တယ်
သံသယတွေကြောင့်ဖြစ်တယ်
နင့်ရဲ့အတိတ်ကိုမကျေနပ်နိုင်တဲ့
ငါ့ရဲ့စိတ်ကြောင့်ဖြစ်တယ်!

နင်နဲ့ငါထက်
နင်နဲ့ငါရဲ့အချစ်ထက်
အရာအားလုံးက ပိုအရေးကြီးခဲ့လို့
ငါတို့မဆုံဆည်းခဲ့ရင်လည်း
ဘာမှ အရေးမကြီးတော့ပါဘူးလေ!

နင်မရှိချင်မှတော့
ဘာကို အရေးကြီးနေရဦးမှာလဲ။

ရွေ့သွားသော ဆက်ကြောင်း#

ရွေ့သွားသော ဆက်ကြောင်း#

ရည်းစားတစ်ယောက်ထားမိတာ
မအောင်မြင်လိုက်ပုံများ!!
ကိုယ့်မှာတော့
သူ့ရဲ့ ရပ်တည်မှုအတွက်
ပဲ့ကြွေပေးခဲ့ရ

ဒါက ထားပါ..
ငါ့စိတ်နဲ့ငါ့ကိုယ်
(နင့်အနားမှာနေခဲ့တဲ့အတွက်)
နင့်အပြစ်ချည်းပဲလို့
ငါအပြစ်ပုံမချတတ်ပါဘူး
ဒါကိုတော့ စိတ်ချလက်ချရှိပါ..

ချစ်ခြင်းတရားသီးသန့်ချည်းပဲထင်လို့
ဒီတောကို ငါဆက်လျှောက်ခဲ့တာပေါ့
နင် တစ်ကိုယ်တည်း ပြေးထွက်သွားတဲ့အခါ
ဘယ်လိုယုံကြည်မှုမျိုးနဲ့
ဘယ်နေရာအထိ ငါဆက်လျှောက်ရမလဲ

နင်နဲ့ငါရဲ့အချစ်က စိတ်ချမ်းသာမှုလို့..
တစ်ဘ၀လုံးအတွက် တွေးခဲ့တာ
အခုတော့ တစ်ဖက်က ဖဲ့ထွက်သွားမှတော့
ငါတစ်ယောက်တည်းကြေကွဲမပြတော့ဘူး

နာကျင်တာတွေများလွန်းရင်
ဘာမှမထူးဆန်းတော့ပါဘူး
သူများတကာပြောကြသလို
ဘ၀အကျိုးပေးလို့ပဲ
(နင့်အတ္တ..ငါ့အတ္တတွေကိုဖုံးကွယ်ရင်း)
ပြောလိုက်မယ်..

အိပ်မက်တွေ မက်ခဲ့ဖူးတာပဲ!
တစ်နေ့တော့
နင်နဲ့ငါက နှစ်ကိုယ့်တစ်စိတ်ဖြစ်မယ်လို့

နင့်ကိုတောင်
မသင်ကြားနိုင်မှတော့
ငါဟာ ဘယ်နေရာနေရမလဲဆိုတာ
(အယောင်ယောင်အမှားမှားနဲ့)
ပွဲပြီးမှ နောက်ဆုတ်မိတယ်!

ဒါဟာ ငါ့ရဲ့စိတ်မချမ်းသာမှုဆိုတာ သိရက်နဲ့
ကိုယ်ပိုင်အခွင့်အရေးလို့
နင်က အကြောင်းပြတယ်..
အဲဒီလောက်ထိဖြစ်လာပြီဆိုမှ
(နှစ်တွေဘယ်လောက်ကြာခဲ့...ကြာခဲ့)
ကိုယ်ဘယ်လောက်မအောင်မြင်ခဲ့လိုက်လဲဆိုတာ
သတိထားမိလိုက်တယ်

ကိုယ်ပိုင်ဆန္ဒတွေနဲ့ ထိစပ်ထားတဲ့အပိုင်းအစနှစ်ခု
အရွေ့မတူမှတော့
သူတစ်ခု ကိုယ်တစ်ခုဖြစ်ဖို့
ခွဲထုတ်ပစ်လိုက်ပါတော့ကွယ်..

ack
1:25am
31st March.13

#နင်မရှိတဲ့ ကမ္ဘာမှာ ငါမပျော်ပါဘူး#

#နင်မရှိတဲ့ ကမ္ဘာမှာ ငါမပျော်ပါဘူး#

နင်မရှိတဲ့ ကမ္ဘာမှာ
ငါမပျော်ပါဘူး ၀ါဆိုရယ်

နင်နဲ့တွေ့မှ ဘ၀ကို
အသစ်က ပြန်စခဲ့ရတာ
အဲဒီအမှတ်တရတွေဟာ
ငါအမြဲ ပြန်လှန်ကြည့်နေမဲ့
Album တစ်အုပ်လည်း ဖြစ်တယ်..

တို့နှစ်ယောက်ကြားက များပြားလှတဲ့
အမှတ်တရတွေအတွက်
နင့်ကို ကျေးဇူးတင်ပါတယ်
နင့်ကို သိပ်ချစ်တဲ့ငါ့ကိုလည်း
(နင်ကချစ်ခဲ့တဲ့အတွက်)
ငါက ပိုပြီး ကျေးဇူးထပ်တင်ရပြန်တယ်..

''မင်းမရှိတဲ့ မြို့တော်မှာ...
ကိုယ်ဟာ ထွက်ပေါက်တွေ့ရှိဖို့တော့# ခုမလွယ်ကူ
တွေးရင်းဆွေးပြန်တယ်# ''
သတိရတိုင်း သီချင်းညည်းဖြစ်တယ်..

ရုပ်ရှင်လက်မှတ်လေးတွေဟာ နင်ဖြစ်တယ်
အင်တာနက်ပေါ်က chat boxဟာ နင်ဖြစ်တယ်
ကော်ဖီဆိုင်ဟာ နင်ဖြစ်တယ်
facebook တစ်ခုလုံးဟာ ၀ါဆို ၀ါဆိုနဲ့..
နင့်ကို အဲဒီလောက်တောင်ချစ်မိခဲ့တယ်..

ချစ်တာနဲ့ကြိုက်တာ မတူသလို
သဘောမကျတာနဲ့ချစ်မိတာလည်း
မတူနိုင်ပါဘူး
နင့်ကို ငါသဘောမကျပါဘူး
ဒါပေမဲ့
နင့်ကို ငါချစ်မိတယ်...

သေချာတာကတော့
နင်မရှိတဲ့ ကမ္ဘာမှာ
ငါနေလည်း မပျော်လှပါဘူး...။

13rd March 2013

နားလည်မှုဆိုတာ တည်ဆောက်ရတဲ့အရာ#

နားလည်မှုဆိုတာ တည်ဆောက်ရတဲ့အရာ

နင့်ကို ငါနားမလည်ဘူးလို့
နင်ထင်နေသေးရင်
အဲဒါကိုက နင်နားမလည်သေးဘူးပဲ~

နားလည်ပေးမဲ့သူကိုရှာချင်တာလား
နင့်ကိုတကယ်ချစ်တဲ့သူကို
ရှာချင်တာလား
အချစ်ဆိုတာ နားလည်မှုမဟုတ်ဘူး
နားလည်မှုဆိုတာကလည်း
တည်ဆောက်ရတဲ့အရာဖြစ်တယ်

(နင်ကိုယ်တိုင်)မတည်ဆောက်ဘဲနဲ့
နားလည်မှုဆိုတာကို
ရှာတွေ့လိမ့်မယ်မထင်ဘူး...

နင့်ကို ငါအမေးအမြန်းထူတာဟာ
စိတ်ပူလို့ဆိုတာ...
နင်ဘယ်ရောက်နေလဲသိချင်တာဟာ
သတိရလို့ဆိုတာ..
နင့်ကို သ၀န်တိုတာဟာ
(ချစ်လို့ဆိုတာကိုတောင်)
နင်နားမလည်သေးရင်

ငါကိုယ်တိုင်လည်း........
နင့်ကို ဘယ်နားလည်လိမ့်မလဲ...!

အေးချမ်းခိုင်

တို့နှစ်ယောက်အချစ်က လှပပါတယ်

တို့နှစ်ယောက်အချစ်က လှပပါတယ်#

တွေးနေမိတယ်
ငေးနေမိတယ်..
ဒါပေမဲ့ ငါမဆွေးပါဘူး..

ငါတို့နီးစပ်ရမဲ့အမှန်တရားကြောင့်
ဝေးကွာနေရပေမဲ့
နင့်အကြောင်း တွေးလို့ ငါပျော်တယ်
ငါတို့နှစ်ယောက်အကြောင်း တွေးလို့ ငါပျော်တယ်..

တခါတရံ သံသယတွေကို ဘေးဖယ်ထားပြီး
ငါ့စိတ်ကူးထဲကအတိုင်း
တွေးကြည့်မိတဲ့အခါ
နင်က ပိုချစ်ဖို့ကောင်းလာတယ်

နင့်နဲ့ငါနဲ့က (တစ်ယောက်ကိုတစ်ယောက်)
ချစ်နေကြတယ်
နီးစပ်ဖို့ နင်ကကြိုးစားနေတယ်
နီးစပ်ဖို့ ငါကလိမ္မာနေရတယ်
ဒီလိုလေး
ရိုးရိုးလေးပဲ ငါတွေးပါတယ်

နှစ်တွေ ဘယ်လောက်ကြာသွားလဲ
ငါစောင့်နေပါတယ်..
ရက်တွေ ဘယ်လောက်ကြာသွားလဲ
ငါစောင့်နေပါတယ်..
ဘယ်သူ့ဆီရောက်သွားမလဲ
ငါ..ဆက်စောင့်နေပါတယ်..
နင်ပြောတဲ့ နီးစပ်မဲ့တစ်နေ့ကိုပေါ့..

တို့နှစ်ယောက်ရဲ့ချစ်ခြင်းဟာ
လှပတယ်ဆိုတာကိုတော့
(နင်မပြောနိုင်လဲ)
ငါပြောနိုင်ရမယ်လေ...။

ခင်ငြိမ်းချမ်း

Dream(1)

အိပ်မက်(၁)

(၁)
မည်သို့ဖြစ်သည်မသိ။
အိပ်မက်ထဲတွင် သူသည် Spider Man ဖြစ်သည်။
လူစွမ်းကောင်းများစုဝေးရန်ခေါ်သောကြောင့် ဒီမြို့လေးကို သူရောက်ခဲ့သည်။
အန္တရာယ်များကိုရင်ဆိုင်ဖြေရှင်းနိုင်ကြောင်း၊ဘယ်လောက်တော်ကြောင်းစသည်ဖြင့် ကိုယ်ရည်ကိုယ်သွေးမဟာစးပါအစွမ်းအစများကိုအသီးသီး ပြသကြသည်။
သူကတော့အခြားလူစွမ်းကောင်းများလိုမဟုတ်၊အခုန်အပျံအကျော်အလွှား ၀ါသနာပါသည်။ဒီလောက်ဘဲ အစွမ်းပြဖြစ်သည်။
စပိုက်ဒါမန်းတော်မတော် သိပ်အစွမ်းပြရန်မလိုပါ
ရုပ်ရှင်ထဲတွင်ကြည့်ဟုသာပြောရန်ရှိသည်မဟုတ်ပါလား။
ကိုယ့်ကိုကိုယ်စွမ်းလှချည်ရဲ့ထင်နေရာ ဒီနေရာရောက်မှ ကိုယ့်ကိုကိုယ် စပိုက်ဒါမန်းဖြစ်နေမှန်းသိတော့သည်။
သူတို့ကလည်း စပိုက်ဒါမန်းဟုခေါ်ကြသည်။
ဒါကြောင့်သူသည် စပိုက်ဒါမန်းဖြစ်ကြောင်း ကိုယ့်ကိုကိုယ် လက်ခံလိုက်ရတော့သည်။
(အော်..ဒါကြောင့် ကိုယ့်ကိုကိုယ်တော်လှချည်ရဲ့ မှတ်နေတာကိုး)

(၂)
ထုံးစံအတိုင်း ရန်များကိုဖြေရှင်းအပြီး အဲဒီကောင်မလေးကိုစတွေ့သည်။
သူတို့သည် သူငယ်ချင်း၃ယောက်ရှိသည်။ဖြူ၊၀ါနှင့်ကောင်မလေးဖြစ်သည်။
အကျီင်္ဆိုင်ဖွင့်ထားသည်။ခေတ်အခြေအနေအရဖြစ်ဟန်တူသည်။
မိန်းကလေး၃ယောက်ဖွင့်ထားသောကြောင့် ၃ယောက်၃မျိုးဖြစ်သည်။
တစ်ယောက်ကိုကိစ္စတစ်မျိုးစီနှင့်သုံးယောက်ပတ်ချာလည်မအားဖြစ်နေကုန်၏။
တစ်နေ့ကောင်မလေးမရှိခိုက် ဆိုင်မှာ သူငယ်ချင်းမနှစ်ယောက် အလုပ်ရှုပ်နေ သည် ကိုမယောင်မလည်လုပ်ရင်း လှမ်းမြင်လိုက်ရသည်။
(သူလည်း ကောင်မလေးရှိမရှိ လာကြည့်ရင်း ယောက်ကျားလေးပီပီ စပ်စုခဲ့တာဖြစ်သည်)

အန္တရာယ်ကလည်း အဲဒီအနားရောက်မှ ရောက်လာသည်။
ကျွန်တော်က အသင့်ရှိနေသောကြောင့် အူကြောင်ကြောင်နဲ့ဓါးပြလာတိုက်သောငနဲများကိုခပ်လွယ်လွယ်ပဲ ဖြေရှင်းပေးလိုက်သည်။(ဒါလေးများ ဘာခက်တာလိုက်လို့)
“ဖြူ”ဆိုသောတစ်ယောက်က လက်စွပ်ချွတ်ပေးပြီး(ဘာကြောင့်မှန်းမသိ) ကျေးဇူးဆပ်တယ်ဟု တိုးတိုးတိတ်တိတ်လာ ပြောသည်။
ကျွန်တော်က ရိုင်းရာကျမှာစိုးသောကြောင့် အူကြောင်ကြောင်နှင့်လက်ခံလိုက်သည်။

(၃)
ကောင်မလေးနှင့်ပတ်သက်ပြီး ကျွန်တော်သိချင်သော အချက်အလက်များကို သူ့သူငယ်ချင်းမတစ်ယောက်က အင်ဖော်မေးရှင်းအပြည့်အစုံပေးသည့်အပြင်
ကောင်မလေးကို အမြဲကူညီတတ်တာကြောင့်
ကျွန်တော်က လက်ဆောင်ရထားတဲ့လက်စွပ်နဲ့
ကျေးဇူးပြန်ဆပ်လိုက်သည်။(ဘဲစားဘဲခြေပေါ့နော့..:D)
ဟို“၀ါ”တစ်ယောက်ကလည်း မိန်းမပီပီ မြင်ဖူးသလိုရှိနေတဲ့လက်စွပ်ကို
“အားနာလိုက်တာ”ဟုပြောပြီး ယူထားလိုက်သည်။
ကဲ ပြောသားပဲ..သူ့ဟာသူဖြေရှင်းကြမှာပါလို့။

(၄)
ကျွန်တော်နဲ့ကောင်မလေး သမီးရည်းစားဖြစ်ကြသည်။
ကျွန်တော်နဲ့ဇာတ်သိမ်းခန်းမှာပေါင်းကြမည်။
အဲဒီကာလတွေက ပျော်ရွှင်စရာကောင်းလှသည်။
ကိုယ့်ကိုကိုယ် စပိုက်ဒါမန်းဆိုတာတောင် မေ့သွားသည်။
(လက်စွပ်ပေးထားတဲ့ကျေးဇူးတွေလည်း ပါတာပေါ့ဗျာ)
တစ်ရက် ကောင်မလေးနဲ့ လက်ထပ်ပေးမည်ဆိုသော လူတစ်ယောက်ပေါ်လာသည်။
ကျွန်တော်ကတော့ ခပ်အေးအေးပါပဲ။သိပ်စိတ်မပူလှပါဘူး။
ကောင်မလေးက ကျွန်တော့်ကိုပဲလက်ထပ်မှာဆိုတာ အသေအချာသိထားလို့ပေါ့။
ဘာကြောင့်လဲဆိုတော့ ကောင်မလေးကို တွေ့စကတည်းက ကျွန်တော်အိပ်မက်တစ်ခု ညတိုင်းလိုလိုမက်သည်။
(ကောင်မလေးနဲ့ကျွန်တော်လက်ထပ်ကြတာကို အသေးစိတ်ကအစ မှတ်မိနေသည်။)

(၅)
သိပ်မကြာပါဘူး။
ကောင်မလေးကပြောလာသည်။
ဟိုလူနှင့်လက်ထပ်တော့မည်တဲ့။
ကျွန်တော့်ခံစားချက်ကို ပြောမပြတတ်အောင်ပါပဲ။
ကျွန်တော် ဘာမှမပြောလိုက်ဘူး။မတားဖြစ်လိုက်ဘူး။
ဒီလိုနဲ့ လက်ထပ်မဲ့ရက်ကို ခပ်မြန်မြန်ပဲရောက်လာခဲ့တယ်။

(၆)
သူ့သူငယ်ချင်းတွေနဲ့ ကောင်မလေး အလှပြင်နေတယ်။
စိတ်လှုပ်ရှားနေတဲ့ မျက်နှာလေးကိုတောင် အလှတွေကူပြင်ပေးလိုက်ချင်တယ်။(ပိုပြင်လည်း သူလှပြီးသားဆိုတာ ကျွန်တော်သိပါတယ်)။
အဲဒီအချိန်ခဏလေးအတွင်းမှာ ကျွန်တော်သိလိုက်ရတာတစ်ခုက
“၀ါ”ဆိုသောကောင်မလေးနဲ့ ကောင်မလေးနဲ့လက်ထပ်မဲ့သူက ဇာတ်လမ်းရှိဖူးတယ်လို့ “ဖြူ”က ပြောလာသည်။
ဒါကို ကောင်မလေး သိတယ်လို့ပြောသည်။
သူတို့၃ယောက်ကတော့ ဘာမှမဖြစ်သလို ချစ်ချစ်ခင်ခင်ရယ်ရယ်မောမောပါပဲ။
မိန်းမတွေသဘော တကယ်အံ့သြဖို့ကောင်းပါတယ်ဗျာ။

(၇)
မင်္ဂလာပွဲကျင်းပမဲ့ဘုရားကျောင်းနဲ့ အိမ်က ၃အိမ်ကျော်လောက်တင်ဆိုတော့
လမ်းလျှောက်သွားကြရသည်။
ကျွန်တော် ရှေ့ဆုံးကပဲ လျှောက်လာမိသည်။နောက်ကို လှည့်မကြည့်ဖြစ်ဘူး။
ဒါပေမဲ့ ကျွန်တော်သိပါတယ်။
ကျွန်တော် မက်နေကျ အိပ်မက်ထဲကအတိုင်းပါပဲ။
ကောင်မလေးက ကျွန်တော့်ကိုလိုက်ခေါ်မယ်။
ကွှန်တော်နဲ့မခွဲနိုင်ဘူး။မစွန့်လွှတ်နိုင်ဘူးဆိုတာ ကျွန်တော်မက်နေကျ အိပ်မက်အတိုင်း သူလာပြောလိမ့်မယ် ဆိုတာပါပဲ။
(အိပ်မက်ထဲမှာ ကျွန်တော်မြင်ဖူးနေကျ ဟိုလူကလည်း ဘာမှမတတ်နိုင်ဘဲ
လက်လျှော့သွားလိမ့်မယ်ဆိုတာ)
ကျွန်တော် သိပြီးသားပါပဲ။
ကျွန်တော် ကောင်မလေးကို သိပ်ချစ်တယ်လေ။

(၈)
ကျွန်တော် ဘယ်လောက်တောင် လျှောက်မိနေမှန်း မသိဘူး။
ကောင်မလေးက ရှေ့ကနေ လာခေါ်တယ်။
ကလေးလေးတစ်ယောက်ကိုချီလို့၊ဟိုလူက ဘေးကပါလို့။
ကျွန်တော် “ဟာ”ခနဲဖြစ်သွားတယ်။
ရင်ဘတ်ထဲကတောင် အောင့်လာတယ်။
ကျွန်တော်ထင်ထားသလို ဖြစ်မလာဘူးလား။
ကျွန်တော် ယုံကြည်ထားတဲ့အမှန်တရားက ကျွန်တော့်ကို ရူးသွပ်သွားစေတယ်။
အမှန်ဆို အခါခါမက်နေကျဒီအိပ်မက်ဟာ ကောင်မလေးက ကျွန်တော့်ကိုလာပြန်ခေါ်ပြီး ကျွန်တော့်ကိုပဲ လက်ထပ်ရမှာလေ။
ကျွန်တော်...ကောင်မလေးကိုမခေါ်ဘူး။
လှည့်ထွက်လာခဲ့တယ်။ဆောက်တည်ရာမရပါပဲ။
ကျွန်တော် အဝေးဆုံးထိ။

(၉)
ဒီနေ့ လူစွမ်းကောင်းတွေ မြို့ကလေးမှာ ပြန်ဆုံကြတယ်။
တစ်ယောက်တစ်မျိုးအစွမ်းအစတွေပြရင်းနဲ့ တစ်မြို့လုံး စည်စည်ကားကားပါပဲ။
လူစွမ်းကောင်းတွေထဲ စပိုက်ဒါမန်းတစ်ယောက်ပါမလာတော့ဘူးဆိုတာ...။

(၁၀)
မြို့ကလူတွေ တီးတိုးတီးတိုးနဲ့ ပြောနေကြသည်။
အချစ်ဇာတ်လမ်းတစ်ပုဒ်ရဲ့ အဆုံးအသတ်ကို..။
စပိုက်ဒါမန်းမသိသွားတာတစ်ခုတော့ရှိလေရဲ့..။
ကောင်မလေးနှင့်လက်ထပ်လိုက်သူသည် မျှော်မှန်းမရနိုင်အောင် ချမ်းသာကြွယ်ဝသည် ဆိုတာကိုပါပဲ။

(၁၁)
အချစ်ဆိုသည်မှာ အရာအားလုံးကို လှည့်စားတတ်သည်။
ယခုခေတ် အချစ်သည် ယုံကြည်ထားတဲ့အိပ်မက်တွေ၊အမှန်တရားတွေကိုတောင်
ပြောင်းလဲနိုင်စွမ်းရှိတာဆိုတာကို......။

ခင်ငြိမ်းချမ်း

(ပေါက်တတ်ကရမက်သော အိပ်မက်တစ်ခုကို ဆီလျော်အောင်ရေးသည်။
သည်းခံဖတ်ကြပါကုန်)