စကားလုံးတိုင်းကို
(သေချာဂရုတစိုက်နဲ့)
ချွန်ရှထက်မြနေအောင်သွေးပြီး
နင့်ကို စောင့်နေတယ်!
စကားလုံးတွေကို မြှားတွေလိုပဲ
ပြင်ထားမိခဲ့
နင့်ဆီက မြှားတွေ
(ထွက်ကျလာမယ်မထင်လို)့
ဒိုင်းကို အစကတည်းက မပြင်ခဲ့မိဘူး!
နေရာအနှံ့နာကျင်မှ
(သေခါနီးလူမမာ ဆေးကုသလိုမျိုး)
ငါ ဘာမှားခဲ့လို့လဲ တွေးနေမိတယ်!!!
ဘာပဲဖြစ်ဖြစ် ငါ့အပြစ်လိုပေါ့
မျက်နှာချင်းဆိုင်ရှိရက်နဲ့
ဓါးတစ်လက်စီဆောင်ထားခဲ့မိကြ
နောက်ကျောကို ဓါးနဲ့ထိုးမှာမျိုးထက်စာရင်
ရင်ဝကနေပဲ ထိုးသတ်လိုက်ပါ
(အရာရာကို ပြီးဆုံးစေချင်ပြီ)
ငါမသိတဲ့ နားမလည်တဲ့အရာကိုပဲ
အထပ်ထပ်တွေးနေရတာ ငြီးငွေ့လှပြီ
ငါ့ကို နင်နားမလည်ခဲ့တာအတွက်
ငါ ဘာများ လိုအပ်နေတာလဲလို့
တော်လောက်ပါပြီကွယ်
ငါ့မှာ အခါခါနာကျင်ရလွန်းလို့
ပင်ပမ်းလှပြီ
ဒီလောက်ဆို တော်လောက်ပါပြီ။
No comments:
Post a Comment