အထီးကျန်တယ်ဆိုတာလည်း
ရောဂါတစ်မျိုးပဲ
ကျန်ရစ်ခဲ့မယ့် အခြေအနေကို
ထည့်မတွေးတော့ဘူးဆိုကတည်းက
အနေအထားကို သိသင့်ပြီ
ကိုယ်ဟာ သိပ်ကောင်းတဲ့လူမဟုတ်ဘူးလို့
ပြောကတည်းက
အသင့်ပြင်ထားလိုက်ရတော့မှာလား
ငါ့ထက်ပိုချစ်မယ့်သူ ရှာတွေ့ရင်လည်း
ပစ်ချသွားလိုက်
ဘဝဟာ ခဏတော့ ချိုရင်ချိုမှာပေါ့လေ
ခုတော့ ညတွေ ညတွေမှာ..
ရှိုက်ကြီးတငင်ငိုချရင်း
အိပ်ပျော်ဖို့ပဲ ကြိုးစားမိနေတယ်
မငိုဖြစ်ရင်တော့ ညတွေကိုပဲ
အဝါရောင်အရည်ထဲ
ထည့်သောက်ပစ်လိုက်တယ်
မူးလို့ပဲ မေ့မေ့
မေ့ချင်လို့ မူးမူး..
နောက်တစ်နေ့တွေရောက်ဖို့ လိုရင်းပါပဲ..
ကိုယ်က ကျန်ရစ်ခဲ့သူ
ချန်ထားရက်နိုင်တာကိုပဲ
မေ့ချင်ယောင်ဆောင်ပြီး
(ဘာမှမဖြစ်သလို) နေ့တိုင်း ဖုန်းပြောနေခဲ့တာ
ဘဝက မနက်ဖြန်မှာ ရပ်မယ်ဆိုရင်
နှုတ်ဆက်ဖို့တောင် မီမယ်မထင်ဘူး
ခုတော့ ရေလိုက်ငါးလိုက် အွန်လိုင်းပေါ်တက်လိုက်နဲ့
ကြိုးစားပြီး ငါမေ့ပါတယ်....
No comments:
Post a Comment