ချစ်လွန်းလို့ လက်တစ်ဖက်ပဲ
လှမ်းဆွဲထားတာပါ
(ငါနားမှာနေဖို့)
နင့်ကို ကြိုးနဲ့ ပတ်ချည်ထားတာမဟုတ်
မရိုးသားမှုဆိုတာ
ရိုးသားချင်ယောင်ဆောင်ထားတဲ့ မျက်နှာပေးတွေဆီက
....လာတာပဲ
ဖောက်ပြန်လှည့်စားမှုဆိုတာကလည်း
အင်တာနက်ချက် အယောင်ဆောင်နိုင်တယ်
ခင်မင်မှု အယောင်ဆောင်နိုင်တယ်
ဖေ့ဘွတ်ခ် အယောင်ဆောင်နိုင်တယ်
တို့နှစ်ယောက်ကြားမှာ
ဘယ်လိုကြိုးမျိုးနဲ့ ချည်နှောင်ထားတယ်ဆိုတာ
သူတို့မှ မသိဘဲ
ခိုးသူက လူလိုဟစ်လို့
ငါ့အားနည်းချက်ကို နင်းလို့
မဏ္ဍပ်တိုင်လည်း တက်မပြတော့ပါဘူး
ဒါက ခွင့်လွှတ်သည်းခံတာ မဟုတ်ဘူး
ဒါဟာ အတ္တဖြစ်တယ် မာနဖြစ်တယ်
ဥပေက္ခာဖြစ်တယ်
ကိုယ့်အတွေးနဲ့ကိုယ်ပဲ
ရဲရင့်ပစ်လိုက်တယ် ထင်လည်း
ထင်ပါစေတော့...
No comments:
Post a Comment