မိသားစုလေး
ကိုယ့်အသက် ၁၃ နှစ်လောက်မှာ
ကွဲအက်သွားကတည်းက
ကိုယ်ပေးလိုက်တိုင်း
ကိုယ်ပြန်ရယူလိုက်တိုင်း
အဆုံးသတ်ဟာ
မျက်ရည်တွေနဲ့ ဖြစ်ကတည်းက
ချစ်ခြင်းရဲ့အဝေးဆုံးမှာပဲ
ကိုယ်နေခဲ့တာ....
နင်နဲ့လည်း စတွေ့ရော
နှလုံးသားဟာ ဖျတ်ခနဲ ကွဲကြေသွားရတယ်
ဒီအပြုံးနဲ့ ဒီအသံမှာ
စွဲလန်းပြီးကတည်းက
နေ့နေ့ညည ငါ့ဒုက္ခကို
ငါပဲ သိခဲ့လေရဲ့
အဲဒီအချိန်တုန်းက
ဘာမှ မပိုင်ဆိုင်လိုခဲ့ပါဘူး
ဒီအပြုံးလေးတွေ ကြာရှည်ဖို့ပဲ
ဆန္ဒရှိခဲ့တာပါ
လက်မကမ်းတဲ့ ငါ့အနားကိုလာဖို့
နင်ဘယ်လောက် ကျော်ဖြတ်ခဲ့ရမလဲဆိုတာ
ငါတွေးလို့ ရပါတယ်
ဒီနေ့ဒီချိန်မှာတော့
တွဲထားခဲ့တဲ့ နင့်လက်တစ်ဖက်ကို
(အရာအားလုံးထက်)
ငါ တန်ဖိုးထားပါတယ်
No comments:
Post a Comment