ရင်ထဲမှာ ထုံနေတယ်
ဘာမှရေးမရဘူး
ဘာမှ ထပ်မပြောချင်တော့ဘူး
ငိုရင်း ငိုရင်းနဲ့
မောလာတာပဲ အဖတ်တင်တယ်
အဖြေက( ဒီလောက်နှစ်တွေ ကြာလာတာတောင်)
ရှာမတွေ့ခဲ့...
မယုံကြည်မှုတွေ(တို့နှစ်ယောက်ကြား)
လဲပြိုလာတဲ့အခါ
သူ့အပြစ်တင် ကိုယ့်အပြစ်တင်ရင်း
ရှောင်ရှားကြမိတာပါပဲ
အချစ်ဟာ အခါပေးမှားတဲ့ ဗေဒင်ဆရာလိုလို
ခဏလောက်ပဲဆန်းတဲ့ မျက်လှည့်ပြကွက်လိုလိုနဲ့
ဘာရှိလဲသိရက်နဲ့ အညာခံကြရ
နာကျင်မှုက ရိုးတွင်းခြင်ဆီအထိလိုက်တယ်
စကားလုံးတိုင်းက မြှားတွေဆိုရင်
ငါ့တစ်ကိုယ်လုံး ထုတ်ချင်းခတ်
နားလည်ပါတယ်လို့ ပြောနေရက်က
နားမလည်ခဲ့ကြဘူး
အချစ်ဆိုတာ မူးယစ်ဆေးဝါးတစ်မျိုးလို့ပြောရင်လည်း
(ဘာထူးလဲ)သူရောကိုယ်ရော
မှိုင်းမိခဲ့ကြတာပဲလေ
ချစ်ခြင်းမေတ္တာကို (ယုံကြည်မှုမပါဘဲ)
အချစ်ချည်းသက်သက်နဲ့ တည်ဆောက်မယ်ဆိုရင်
ဘယ်လောက်ကာလအထိ
နင် ရည်ရွယ်ထားပါသလဲ
နင်မှန်လား ငါမှားလားဆိုတာလည်း
မတွေးတော့ဘူး
လူသေရင် ငွေ့ငွေ့လေးတော့ကျန်ခဲ့သလိုမျိုး
(ငါတို့နှစ်ယောက်ကြားမှာ)
ဘယ်ချိန်ကတည်းက
နှစ်ယောက်အတူ ကျောချင်းကပ်ထားမိလဲ
အတူရင်ဆိုင်ဖို့အသင့်ကနေ
စွန့်ခွာဖို့အသင့်ထိ ဖြစ်သွားနိုင်ပါတယ်လေ
နေကမကောင်း
နင်ကမရှိနဲ့
ဒါနဲ့များ နှစ်ယောက်တစ်ဘ၀လို့
အတူတူရူးခဲ့ကြသေး
ပြီးဆုံးလိုက်ဖို့ စဉ်းစားလိုက်ပြန်တော့
သူ့ကြိုးကိုယ့်ကြိုးကလည်း
ဆက်ထုံးတွေနဲ့ ဆိုပေမယ့်
အလုံးစုံ ဖြည်ချလိုက်ဖို့ကလည်း ခက်သေးတယ်..။
No comments:
Post a Comment