ဒီလိုနဲ့ အချိန်တွေကုန်တယ်

 ဒီလိုနဲ့ အချိန်တွေကုန်တယ်

သည်းမခံနိုင်တော့တဲ့အထိ
သည်းခံပြီးတဲ့အခါ
မျှော်လင့်ချက်ဆိုတာကို စုတ်ဖြဲပစ်လိုက်တယ်

ဘ၀ဆိုတာ ရေလိုက်ငါးလိုက်နဲ့
အချစ်ဆိုတာကလည်း
(စိတ်မချမ်းသာဖို့သက်သက်)
နေတတ်ရင် ပျော်စရာဆိုပေမယ့်
နေမှမနေတတ်တာကိုက ဒုက္ခအရသာ

ဒီလိုနဲ့ အချိန်တွေကုန်လာတယ်
တစ်ရက်ပြီးတစ်ရက်ကုန်လာတာနဲ့အမျှ
သေဖို့ပဲ နီးလာသလိုလို
နီးစပ်ဖို့ပဲ နီးလာသလိုလိုနဲ့

အချစ်က
တစ်ခါကြည့် ငါးကျပ်ပေးရတဲ့
လက်လှည့်ရုပ်ရှင်လို အယောင်ဆောင်တယ်
နင်နဲ့ငါက ၀ိုးတ၀ါးဇာတ်လိုက်တွေပေါ့

အနှစ်နှစ်ဆယ်ကျော်ပဲရှိသေးတယ်
ဖြတ်သန်းမှုက တစ်ဘ၀လုံးပဲကြာခဲ့သလိုလို
နင်နဲ့ငါက
လုံလုံလောက်လောက်ရော သိခဲ့ကြရဲ့လား

သိလာတာက
အချစ်ဆိုတာ
နင်ရော ငါရော ပျက်စီးစေမဲ့အရာ
ဆက်လည်းမရေးနိုင်တော့ဘူး
ဒီဗျည်း၃၃လုံးထဲက ထွက်ပြီး
ခံစားရသမျှ သွန်ပြီး ရေးချပစ်လိုက်ချင်တယ်

ဒီလိုနဲ့ စနေတစ်ရက်
ရက်သတ္တတစ်ပါတ်
ကုန်သွားပြန်တယ်...