ကိုယ်ငိုယိုညည်းတွားနေတာတောင်မှ
ဖုန်းကိုပိတ်ပြီး အိပ်ပစ်နိုင်တာ
ဘယ်နှစ်ခါလောက် လုပ်ပြီးပြီလဲ
အဲဒီအတွက်
ကိုယ် ဘယ်နှစ်ခါလောက်
အသည်းကွဲပြီးပြီလဲဆိုတာရော မင်းသိရဲ့လား
(ကိုယ့်လိုမိန်းမမျိုးက
အကြောင်းမရှိဘဲ မငိုတတ်တာ
သိသိရက်နဲ့)
အနာဂတ်တွေက
ဟိုးအဝေးမှာ မှုန်ပျပျနဲ့
ပျော်ရွှင်ခြင်းနဲ့ ဝမ်းနည်းမှုလမ်းဆုံမှာ
ကိုယ်ရပ်နေရဲ့....
ပျော်ရွှင်ခြင်းရဲ့ ကခုန်သံတွေ
လှမ်းမကြားရရင်တောင်မှ
ဝမ်းနည်းခြင်းရဲ့ ရှိုက်သံတွေက
တိုးတိတ်ရိုက်ခတ်နေတုန်း
မိုးပေါ်ကို ဝေခွဲမရ
မော့ကြည့်လိုက်တယ်
မိုးစက်တွေက မျက်ရည်တွေအပေါ်
တစ်စက်စက်ကျလို့
ကိုယ့်မျက်ရည်တွေ
လူတွေ ထပ်မမြင်ရအောင်
ဒီလောက်ကူညီတာပဲ
ကျေနပ်ပါပြီ လောကကြီးရယ်....
No comments:
Post a Comment